Gah Pir-E-shaiKH Gah Murid-E-Mughan Rahe

gah pīr-e-shaiḳh gaah murīd-e-muġhāñ rahe

ab tak to aabrū se nibhī hai jahāñ rahe

duniyā meñ ham rahe to ka.ī din pa is tarah

dushman ke ghar meñ jaise koī mehmāñ rahe

ai diida dil ko rote ho kyā tum hameñ to yaañ

ye jhīknā paḌā hai kisī tarah jaañ rahe

qismat to dekh baar bhī apnā girā to vaañ

jis dasht-e-pur-ḳhatar meñ ka.ī kārvāñ rahe

sohbat kī garmī ham se koī sīkhe misl-e-sham.a

saare hue safed pa tad bhī javāñ rahe

masjid se gar tū shaiḳh nikālā hameñ to kyā

‘qā.em’ vo mai-farosh kī apne dukāñ rahe

‘qā.em’ isī zamīñ ko tū phir kah par is tarah

sun kar jise ki charḳh meñ nit āsmāñ rahe

Leave a Comment