Poet
badla nahin hai tujh se mira dil sambhal ke dekh
le main mila.un aankh to ankhen badal ke dekh
apne hi chaal tak hai zamane ka chal-chalav
kashti pe naḳhl-e-sahil-e-dariya ko chal ke dekh
ai dil na chhoḌ daman-e-tifl-e-sarishk ko
rah ja.ega ba-rang-e-mizha haath mal ke dekh
daman talak kisi ki rasa.i jo jaati ho
manind-e-ashk dida-e-mardum se Dhal ke dekh
bahr-e-jahan men naqsh-bar-ab aadmi ko jaan
misl-e-habab saare hijr ek mal ke dekh
ghunche men gul-ruḳhon ke guzari tamam umr
o bu-e-gul-nasim jala.e nikal ke dekh
Leave a Reply