Poet
jab uThe tere astane se
janiyo uTh ga.e zamane se
din bhala intizar men guzra
raat kaTenge kis bahane se
jaan bhi kuchh hai jo na kiije nisar
mar na ja.enge us ke jaane se
ek us zulf se uThaya haath
chhaT ga.e lakhon shaḳhsane se
koi mar jaao kaam hai us ko
apni tarvar azmane se
us ke tir-e-nigah ke aage
kuchh hamin ban ga.e nishane se
na-tavani tujhe ghazab aa.e
ga.e us ki gali ke jaane se
kahan bangala aur kahan main ‘raza’
bas nahin chalta ab-o-dane se
Leave a Reply