baḌi bad-namiyan hongi sar-e-bazar milne se
dilon ke bhed khulte hain nazar ke taar milne se
hai divana to divana darak kya us ko jazbon ka
milega kya tumhen us se divana-var milne se
koi maqsad koi matlab rahe to baat bhi kuchh ho
natija varna kya hoga yuun hi be-kar milne se
mulaqaten na.i kuchh rang bharti hain baḌe dilkash
kahani aage baḌhti hai na.e kirdar milne se
tasavvur men akele mil ke dekhoge to janoge
na milna kitna behtar tha sar-e-bazar milne se
kabhi had se ziyada baḌh bhi jaate hain sitamgar ye
masa.il hal bhi ho jaate hain aksar yaar milne se
hamin ham ek hain duuja nahin koi to batlao
hamen rokegi kya duniya divana-var milne se
Leave a Reply