Nazim Naqvi
baḌha do dard ki lau aur kam hai mere liye
abhi ye ishq men pahla qadam hai mere liye
jahan jahan se hain vabasta ḳhvab logon ke
vo har maqam bahut mohtaram hai mere liye
miTate jaoge tum darj karte ja.enge ham
tumhare vaste ḳhanjar qalam hai mere liye
har ek lamha tiri justuju men ḳharch hua
mujhe ye lagta tha mera janam hai mere liye
main apni raah ki ḳhud raushni banun to banun
koi ḳhuda hai na koi sanam hai mere liye
Leave a Reply