Anjum Khaleeq
badal chuke hain sab agli rivayaton ke nisab
jo the savab-o-gunah ho ga.e gunah-o-savab
numu ke baab men vo bebasi ka aalam hai
bahar maang rahi hai ḳhizan ruton se gulab
badal ke jaam bhi ham to rahe ḳhasare men
hamare paas lahu tha tumhare paas sharab
mire kahe ko amanat samajhna mauj-e-hava
main aane vaale zamanon se kar raha huun ḳhitab
so meri pyaas ka donon taraf ilaaj nahin
udhar hai ek samundar idhar hai ek sarab
ḳhud agahi ka saliqa sikha gaya ‘anjum’
mire ḳhilaf mire doston ka istisvab
Leave a Reply