aur manzar hain bahut chashm-e-ḳharidar men ab
ḳhvab bikte hi nahin shahr ke bazar men ab
shaam gul hoti chali jaati hai rafta rafta
sham-e-gul jalti nahin gulshan-e-didar men ab
va.iz-e-shahr nahin shahr-e-sitamgar bhi tamam
naqd-e-jan mangte hain jur.at-e-inkar men ab
habs-e-jan hai ki umaDta hi chala aata hai
barish-e-mai bhi chali jaati hai be-kar men ab
shaiḳh-sahab kabhi sidhe to nahin the lekin
pech-dar-pech hain in jubba-o-dastar men ab
Leave a Reply