Bad-Dili Mein Be-Qarari Ko Qarar Aaya To Kya

bad-dili men be-qarari ko qarar aaya to kya

pa-piyada ho ke koi shahsavar aaya to kya

zindagi ki dhuup men murjha gaya mera shabab

ab bahar aai to kya abr-e-bahar aaya to kya

mere tevar bujh gae meri nigahen jal gai

ab koi aina-ru aina-dar aaya to kya

ab ki jab janana tum ko hai sabhi par e’tibar

ab tumhen janana pe jab e’tibar aaya to kya

ab mujhe khud apni bahon par nahin hai ikhtiyar

haath phailae koi be-ikhtiyar aaya to kya

vo to ab bhi khvab hai bedar binai ka khvab

zindagi men khvab men us ke guzar aaya to kya

ham yahan hain be-gunah so ham men se ‘jaun-elia’

koi jiit aaya yahan aur koi haar aaya to kya

Leave a Comment