ziist honi ta.ajjubat hai ab
mar hi jaana bas ek baat hai ab
daur men tere hai vo kuchh andher
nahin ma.alum din hai raat hai ab
dil hai zinda na ji hi jiita hai
zindagi bad-tar-az-mamat hai ab
itne be-did be-shunid hue
na tavajjoh na iltifat hai ab
hijr kaisa visal ho bil-farz
kuchh hi surat ho mushkilat hai ab
ji hi lena ba-lutf hai manzur
is qadar jo tafazzulat hai ab
jiite ji to raha visal muhal
mar chuke par tavaqquat hai ab
kuchh na puchho ‘asar’ ki bechaini
na sukunat hai ne sabat hai ab
Leave a Reply