Ye Ashk Yun Meri Aankhon Se Kam Nikalta Hai

ye ashk yuuñ mirī āñkhoñ se kam nikaltā hai

ġhazal ke rang meñ rātoñ meñ ġham nikaltā hai

nahīñ ki chashm-e-ġhazal ko bhigo.e jaa.eñ ham

ki dil hī ro.e to phir sher nam nikaltā hai

navāztā hai vo kāġhaz ko naġhmagī kī ridā

vafā kā zikr jo karne qalam nikaltā hai

sitam-tarāz tarāshe sitam to kyā ġham hai

ki ab sitam bhī ba-tarz-e-karam nikaltā hai

vo aur vaqt thā jab un se ras Tapaktā thā

ki ab gulāb laboñ se bhī sam nikaltā hai

batāo shahr meñ ḳhud sā kahāñ talāsh karūñ

jise bhī dekho vahī mohtaram nikaltā hai

baḌhā.ī jaatī haiñ is tarah dhaḌkaneñ dil kī

mire huzūr hī zulfoñ meñ ḳham nikaltā hai

ye kaun chāñd sā utrā hai ḳhāna-e-dil meñ

ki jis ko dekh añdheroñ kā dam nikaltā hai

ḳhushī manāo ai ahl-e-ḳhirad ki ab to junūñ

tumhāre shahr se sū-e-adam nikaltā hai

Leave a Comment