Baat Phulon Ki Suna Karte The

baat phūloñ kī sunā karte the

ham kabhī sher kahā karte the

mish.aleñ le ke tumhāre ġham kī

ham añdheroñ meñ chalā karte the

ab kahāñ aisī tabī.at vaale

choT khā kar jo duā karte the

tark-e-ehsās-e-mohabbat mushkil

haañ magar ahl-e-vafā karte the

bikhrī bikhrī huī zulfoñ vaale

qāfile rok liyā karte the

aaj gulshan meñ shagūfe ‘sāġhar’

shikva-e-bād-e-sabā karte the

Leave a Comment