Baadshahon Ki Tarah Aur Na Waziron Ki Tarah

bādshāhoñ kī tarah aur na vazīroñ kī tarah

ham to darvesh the aa.e yahāñ pīroñ kī tarah

rāj-mahloñ meñ kahāñ DhūñDh rahe ho ham ko

ham to ajmer meñ rahte haiñ faqīroñ kī tarah

ham bhī is mulk kī taqdīr kā ik hissa haiñ

ham na miT pā.eñge hāthoñ kī lakīroñ kī tarah

jāñ-fishānī se bahut ham ne jaḌe haiñ aañsū

māthar-e-hind tire taaj meñ hīroñ kī tarah

dushmanoñ ko to yahī baat bahut khaltī hai

ham to ġhurbat meñ bhī zinda haiñ amīroñ kī tarah

Leave a Comment