Shakeel Shamsi
badshahon ki tarah aur na vaziron ki tarah
ham to darvesh the aa.e yahan piron ki tarah
raj-mahlon men kahan DhunDh rahe ho ham ko
ham to ajmer men rahte hain faqiron ki tarah
ham bhi is mulk ki taqdir ka ik hissa hain
ham na miT pa.enge hathon ki lakiron ki tarah
jan-fishani se bahut ham ne jaḌe hain aansu
mathar-e-hind tire taaj men hiron ki tarah
dushmanon ko to yahi baat bahut khalti hai
ham to ghurbat men bhi zinda hain amiron ki tarah
Leave a Reply