Ezaz Afzal
jab phail ke viranon se virane milenge
dil khol ke divanon se divane milenge
ai ku-e-ḳhamoshi ki taraf bhagne vaalo
har gaam pe afsane hi afsane milenge
zanjir liye hathon men kuchh soch rahe hain
zindan men bahut aise bhi divane milenge
jo garmi-e-mahfil se jala lete hain sham.en
parvanon men kuchh aise bhi parvane milenge
haan dekh zara phail ke ai tishnagi-e-shauq
har jaam men simTe hue mai-ḳhane milenge
Leave a Reply