badal ki tarah ranj-fishani karen ham bhi
shayad kabhi is aag ko paani karen ham bhi
ab silsila-e-qissa-e-shab TuuT raha hai
ab izn ata ho to kahani karen ham bhi
ham ko bhi kabhi dekh havaon ke safar men
sahra ki tarah naql-e-makani karen ham bhi
aisa hai ki sikkon ki tarah mulk-e-suḳhan men
jaari koi ik yaad purani karen ham bhi
is lamha-e-ruḳhsat ke dhaḌak uThne se pahle
Thahre hue dil tujh ko nishani karen ham bhi
Leave a Reply