Dinesh Kumar
baad marne ke bhi duniya men ho charcha mera
aisi shohrat ki bulandi ho Thikana mera
main huun ik prem pujari ai miri jan-e-hayat
tu hai mandir tu kalisa tu hi ka.aba mera
mere beTe ki nigahon men hain kuchh ḳhvab mire
zindagi us ki hai jiine ka sahara mera
maut bhi chain se aati hai kahan insan ko
zehn men gunjta hi rahta hai mera mera
ab bhi raton ko miri niind uchaT jaati hai
aah ik chand ko chhune ka vo sapna mera
an-kahi baat miri kya vo samajh pa.enge
kya mukammal kabhi ho pa.ega qissa mera
silvaTen vaqt ki paḌne hi lagin us pe ‘dinesh’
tum ne dekha hi kahan ghaur se chehra mera
Leave a Reply