faiz-ahmad-faiz

Baad-Az-Waqt

dil ko ehsas se do-char na kar dena tha

saz-e-khvabida ko bedar na kar dena tha

apne maasum tabassum ki faravani ko

vusat-e-did pe gul-bar na kar dena tha

shauq-e-majbur ko bas ek jhalak dikhla kar

vaqif-e-lazzat-e-takrar na kar dena tha

chashm-e-mushtaq ki khamosh tamannaon ko

yak-ba-yak mael-e-guftar na kar dena tha

jalva-e-husn ko mastur hi rahne dete

hasrat-e-dil ko gunahgar na kar dena tha

More Poems

Leave a Comment