ba-vafa koi koi hota hai
main bhi tha koi koi hota hai
qadr kar meri qadr kar zalim
dil-jala koi koi hota hai
ibn-e-adam ke rog bahutere
la-dava koi koi hota hai
kaun zalim nahin zamane men
aap sa koi koi hota hai
dil men kaahe na chor ghar karte
dar bhi va koi koi hota hai
jis tarah ham hain aap ke sarkar
ba-ḳhuda koi koi hota hai
sab ka hota hai dard koi na koi
dard ka koi koi hota hai
aa.ina aap a.ina-bin aap
dekhna koi koi hota hai
yuun to qatil hain an-ginat ‘rahil’
ashna koi koi hota hai
Leave a Reply