Aqab Se War Tha aaKHir Main Aah Kya Karta

aqab se vaar thā āḳhir maiñ aah kyā kartā

kisī bhī aaḌ meñ le kar panāh kyā kartā

ġharīb-e-shahr thā āñkhoñ meñ thī anā zinda

sazā-e-maut na detā to shaah kyā kartā

mire ḳhulūs ko jo sikka-e-ġharaz samjhā

maiñ aise shaḳhs se āḳhir nibāh kyā kartā

yuuñ us ke afv kā dāman bhī dāġh-dār na ho

yahī ḳhayāl thā qasd-e-gunāh kyā kartā

ye taar taar shab-o-roz reza reza hayāt

maiñ apne haal par āḳhir nigāh kyā kartā

jo zindagī se na paa.e najāt kī rāheñ

‘shakīl’ us ko zamāna tabāh kyā kartā

Leave a Comment