Wo Kahta Tha Ki Tum Mera Sahaara Ban Hi Jaogi

vo kahtā thā ki tum merā sahārā ban hī jāogī

talab ke āsmāñ kā ik sitāra ban hī jāogī

vo kahtā thā ki tum ham Dūbne vāloñ pe ro ro kar

kisī pur-shor dariyā kā kināra ban hī jāogī

vo kahtā thā ki ḳhud ko ḳhaak kahnā chhoḌ do ab tum

kisī din dekh lenā tum sharāra ban hī jāogī

vo kahtā thā ki maiñ TuuTā to phir juḌne na pā.ūñgā

agar tum TuuT bikhrīñ to dobāra ban hī jāogī

mujhe ma.alūm hai zaḳhmī diloñ se pyaar hai tum ko

ḳhafā ho kar bhī tum merā sahārā ban hī jāogī

Leave a Comment