Munawwar Lakhnavi
ba-rang-ebad-e-saba gul khila.e hain kya kya
mire hi dil ne sitam mujh pe Dhaa.e hain kya kya
ye zindagi ka safar bhi hai kuchh ajiib safar
qadam qadam pe maqamat aa.e hain kya kya
tarah tarah se kiya hai tavaqquat ka ḳhuun
miri nigah ne manzar dikha.e hain kya kya
koi gharib ke is hausle ki vaah to de
zara si jaan ne sadme uTha.e hain kya kya
ajiib shai hai ‘munavar’ ki fikr-e-sha.ista
dil-o-dimagh ke aivan saja.e hain kya kya
Leave a Reply