Ba-Rang-E-Sher Gire Aur Bar Bar Gire

ba-rañg-e-sher gire aur baar baar gire

hamāre zehn pe kirnoñ ke ābshār gire

ġhamoñ kī raah meñ sābit-qadam haiñ dīvāne

bisāt-e-aish pe kitne nashāt-e-kār gire

chaman khulā to na.ī nik.hatoñ ke āñchal par

shaguft-e-gul se tire aks be-shumār gire

zamīn chāñd kā TukḌā hai jis kī zulmat par

ka.ī ujāle har ik shab sitāra-vār gire

hameñ bhī fursat-e-yak-ḳhvāb us fazā meñ jahāñ

kiran kiran lab-o-ruḳhsār kī phuvār gire

ubhar rahā hai jo mashriq ke har ḳharābe se

kise ḳhabar ki kahāñ jā ke ye ġhubār gire

Leave a Comment