Poet
ba-juz ḳhayal-e-gham-e-mohabbat koi mira ham-safar nahin hai
main ab vahan se guzar raha huun jahan kisi ka guzar nahin hai
alam bhi kab saath chhoḌ jaa.e kisi ko us ki ḳhabar nahin hai
bahar to phir bahar Thahri ḳhizan bhi ab mo’atabar nahin hai
faza.en nik.hat men Dhal rahi hain vafa ka iqrar ho raha hai
ḳhud apne jalvon men vo bhi gum hain hamen bhi apni ḳhabar nahin hai
mujhe haqiqat se vasta hai naqib-e-fitrat huun main azal se
ḳhizan ko fasl-e-bahar kah duun ye mera zarf-e-nazar nahin hai
Leave a Reply