az-bas bhala lage hai tu mere yaar mujh ko
be-ikhtiyar tujh par aata hai pyaar mujh ko
sayyad ka bura ho jis ke taghafulon ne
kunj-e-qafas men rakkha fasl-e-bahar mujh ko
jaun kidhar ko yaaro manind-e-said-e-khargah
mizhgan ne kar rakha hai us ki shikar mujh ko
is raftagi pe mujh se karta hai tu taghaful
dante hai tis pe ulta phir baar baar mujh ko
mera qusur kya hai saane ko chahiye tha
miqdar-e-husn deta sabr-o-qarar mujh ko
fitna hai ya pari hai jaadu hai ya bala hai
ankhon se ye kiya hai kis ki do-char mujh ko
ai ‘mushafi’ tasavvur us ka jo samne hai
aata nahin shab-e-gham yak-dam qarar mujh ko