ayyam-e-shabab apne bhi kya aish-asar the
kahte hain jinhen aib vo us vaqt hunar the
din-rat vo mahbub mayassar the ki jin ki
zulfen alam-e-sham thiin rukh rashk-e-sahar the
saaqi ke idhar jaam idhar naz-o-ada se
jadu-nazran khush-nighan pesh-e-nazar the
mahfil se jo uthte the zara ham to lipat kar
nazuk-badnan mu-kamaran dast-o-kamar the
hamrah gul-andamon ke ho khurram-o-khandan
bagh-o-chaman-o-gulshan-o-bustan men guzar the
kya shor the kya zor the har lahza aha-ha
kya valvale kya qahqahe be-khauf-o-khatar the
dikhla ke jhamak jaate rahe dam men ‘nazir’ aah
kya jaane vo din barq the ya misl-e-sharar the
Leave a Reply