ahmad-ameer-pasha

Nahin Kuchh Masala Hum Ko Gharon Ka

nahin kuchh masala ham ko gharon ka

bahut dushvar hai basna dilon ka

use kahna mujhe ijad kar le

mudava huun main us ke sab dukhon ka

tumhare jaal le kar ud raha huun

karishma hai mire tuute paron ka

tumhare baad bhi tanha nahin huun

laga hai ek mela ratjagon ka

tumhari aankh ka moti hai nadir

hamara dil bhi tajir hai nagon ka

kai naslen apahij kar gaya hai

ye jhagda tha koi ghar ke badon ka

barah-e-rast hain suraj ki zad men

khuda-hafiz ho in unche gharon ka

bada shatir siyasat-dan hai vo

use maalum hai bhaav saron ka

More Poems

Leave a Comment