Khaleel Tanveer
auron ki bura.i ko na dekhun vo nazar de
haan apni bura.i ko parakhne ka hunar de
vo log jo suraj ke ujale men chale the
kis raah men gum ho ga.e kuchh un ki ḳhabar de
ik umr se jalte hue sahraon men gum huun
kuchh der Thahar ja.unga daman-e-shajar de
ik ḳhauf sa taari hai gharon se nahin nikle
tarsi hui a.ankhon ko sarabon ka safar de
sab apne charaghon ko bujha.e hue chup hain
ik aag si siine men laga de vo sharar de
Leave a Reply