Nazeer Akbarabadi
jo aave munh pe tire mahtab hai kya chiiz
gharaz ye maah to kya aftab hai kya chiiz
ye pairahan men hai is gore gore tan ki jhalak
ki jis ke samne moti ki aab hai kya chiiz
bhula diin ham ne kitaben ki us pari-ru ke
kitabi chehre ke aage kitab hai kya chiiz
tumhare hijr men ankhen hamari muddat se
nahin ye jantin duniya men ḳhvab hai kya chiiz
‘nazir’ hazrat-e-dil ka na kuchh khula ahval
main kis se puchhun ye nudrat-ma.ab hai kya chiiz
jo saḳht hove to aisa ki koh aahan ka
jo narm hove to barg-e-gulab hai kya chiiz
ghaḌi men sang ghaḌi mom aur ghaḌi faulad
ḳhuda hi jaane ye ali-janab hai kya chiiz
Leave a Reply