Muneer Niyazi
aur hain kitni manzilen baaqi
jaan kitni hai jism men baaqi
zinda logon ki bud-o-bash men hain
murda logon ki adaten baaqi
us se milna vo khvab-e-hasti men
khvab madum hasraten baaqi
bah gae rang-o-nur ke chashme
rah gaiin un ki rangaten baaqi
jin ke hone se ham bhi hain ai dil
shahr men hain vo suraten baaqi
vo to aa ke ‘munir’ ja bhi chuka
ik mahak si hai baagh men baaqi
Leave a Reply