Saif Zulfi
ashkon men qalam Dubo raha hai
fankar javan ho raha hai
maqtal ke dikha raha hai manzar
kaghaz ko lahu se dho raha hai
zalim ko sikha raha hai insaf
patthar men daraḳht bo raha hai
parbat se laḌa raha hai ankhen
miTTi se tulua ho raha hai
haari hui raat ka savera
ghunchon ki jabin bhigo raha hai
zarre ko bana ke ek quvvat
ḳhud apna maqam kho raha hai
lohe ko ajal ki dhaar de kar
ḳhud is ka shikar ho raha hai
mahlon men nahin kisi ko aram
fōt-path pe koi so raha hai
chhuta nahin Dar se phuul koi
kanTon ko koi piro raha hai
ḳhandan hain gali gali sitare
ghar ghar ka charagh ro raha hai
siine men koi ḳhayal ‘zulfi’
suiyan si chubho chubho raha hai
Leave a Reply