Ashk Par Zor Kuchh Chala Hi Nahin

Dr Azam

ashk par zor kuchh chala hi nahin

main ne roka bahut ruka hi nahin

atish zer-e-pa sabab varna

ḳhaak sahra ki chhanta hi nahin

ya to sab ka ḳhuda hi sachcha hai

ya to sachcha koi ḳhuda hi nahin

zehn kahta hai sar jhuka le tu

dil magar hai ki manta hi nahin

bal-o-par hon qavi to kya hasil

jab uḌanon ka hausla hi nahin

haa.e main ne pas-e-ghalat-fahmi

vo suna main ne jo kaha hi nahin

maut ka Dar ise dikha.en kya

zinda rahna jo chahta hi nahin

sirf ehsas-e-kamtari hai tujhe

aur tu hai ki manta hi nahin

main hi main bazm men raha maujud

aur main bazm men gaya hi nahin

meri ghibat men vo bhi hain shamil

aaj tak jin se main mila hi nahin

jo ki pahchan ho miri ‘azam’

sher aisa koi hua hi nahin