asar kar ke ah-e-rasa phir gai
hua saaf matla hava phir gai
savari tiri aa ke kya phir gai
idhar ko udhar ki hava phir gai
mire sar se tegh-e-jafa phir gai
kai baar aai qaza phir gai
gaya dev-e-gham jalva-e-yar se
pari-zad aaya bala phir gai
ye jan-bakhsh us jan-satan ki hai chaal
vo aaya jo phir kar qaza phir gai
ghadi do ghadi ka hai tera mariz
tabib uth gae har dava phir gai
tu aata nahin is gali men ‘munir’
tabiat tiri ham se kya phir gai