aql kitni shu.ur kitna hai
phir bhi tujh ko ghurur kitna hai
har koi tujh se duur kitna hai
is men tera qusur kitna hai
miThi miThi tumhari baton ke
pas-e-parda futur kitna hai
ham ko taufiq hi nahin hoti
ghar tira varna duur kitna hai
ye to ahl-e-junun hi jante hain
hosh-e-taht-e-shu.ur kitna hai
satr-dar-satr paḌhne vaale dekh
qissa bainassutur kitna hai
daagh hai mathe par magar ‘azam’
us ke chehre pe nuur kitna hai
Leave a Reply