abu-bakr-abbad

Shikast-e-Khurdgi Ke Baad Hausla Nahin Hua

shikast-e-khurdgi ke baad hausla nahin hua

jo chuka pahla vaar hi to dusra nahin hua

kaha hua suna hua likha hua nahin hua

hamare haq men to koi bhi faisla nahin hua

sukut-e-lab ka vo sabab hain siskiyan vo hichkiyan

nigah-e-ishq se faro vo hadisa nahin hua

tamam dil ke parche bikhar chuke zamin par

hisab rakhne vaale ka muhasba nahin hua

palat gae tamash-bin gai vo shoabada-gari

thi gung vo zaban jab kaha hua nahin hua

tumhare naqsh-e-pa pe main jo chal raha huun der se

main khatm ho raha to huun pa rasta nahin hua

More Poems

Leave a Comment