Aql-E-Juzwi chhoD Kar Ai Yar Fikr-E-Kul Karo

Poet

aql-e-juzvi chhoḌ kar ai yaar fikr-e-kul karo

mish.al-e-dil ko chita faani charaghan gul karo

dil lagao ek se donon jahan jis ka zuhur

bul-havas ho kar na hargiz adat-e-bulbul karo

main mohabbat suun hamesha ishq men sarshar huun

nashsha-e-fani suun mat ḳhatir ko ḳhu-e-mul karo

zulf-o-ariz hai munavvar dekh vaj.hullah ka

tum na ko sair-e-chaman aur ḳhvahish-e-sumbul karo

qaul par la-taqnatu ke raho hamesha jam.a-dil

mat tumhen ḳhatir pareshan surat-e-kakul karo

ḳhauf mat rakkho kisi dushman se dil men yak rati

pusht-ban apna hamesha sahab-e-duldul karo

ai ‘alimullah’ avval ishq men mismar ho

ashiqon men ba.ad apne ashiqi ka ghul karo