Sarfraz Arish
apni vahshat pe ro raha huun main
kis parinde ka ghonsla huun main
teri bina.i DhunDhti hai mujhe
teri ankhon ka mas.ala huun main
muḳhtalif giit mujh se marvi hain
muḳhtalif ḳhvab dekhta huun main
tere lafzon men nuur bharta huun
teri avaz ka diya huun main
kal main bedar ḳhvab-gah men tha
aaj chaukhaT pe jagta huun main
teri manzil agar mohabbat hai
tere raste ka rasta huun main
jab ghuTan par na bas chale ‘arish’
apni ankhon se phuTta huun main
Leave a Reply