Bakul Dev
yakayak aks dhundlane lage hain
nazar men a.ine aane lage hain
zamin hai muntazir fasl-e-ziya ki
falak par nuur ke daane lage hain
ḳhizan aane se pahle banch lena
daraḳhton par jo afsane lage hain
hamen is tarah hi hona tha abad
hamare saath virane lage hain
fasil-e-dil gira to duun main lekin
isi divar se shane lage hain
kabhi faqa-kashi dikhla.egi rang
isi men solahon aane lage hain
Leave a Reply