vo hua hi nahin jo socha tha
mera ho kar bhi kab vo mera tha
vo tasavvur ke jaal men uljha
dhundh sa ik udaas chehra tha
har ghaḌi us ke ghar ka darvaza
meri ḳhatir khula hi rahta tha
chhin li us ne meri bina.i
main ne ik ḳhvab hi to dekha tha
us ko bhi lag ga.i ḳhizan ki nazar
shaḳh par aḳhiri jo patta tha
ratjage ki thaki thaki ankhen
sochti huun vo kitna tanha tha
ek bargad ka peḌ tha us par
ek aaseb tha jo laTka tha
Leave a Reply