Jis Ka Koi Na Ho KHuda Hoga

jis kā koī na ho ḳhudā hogā

jis kā vo bhī na ho to kyā hogā

hāsil-e-marg aur kyā hogā

ik na.e ġham kā silsila hogā

aap muñh pher ke hue ruḳhsat

ye na sochā ki merā kyā hogā

jis ne dī hai tumheñ dua.a-e-ishq

koī mujh sā hī dil-jalā hogā

laakh sochūñ na kah sakūñgā kuchh

jab kabhī un kā sāmnā hogā

maiñ ne kyā kyā kahā hai qāsid se

jaane qāsid ne kyā kahā hogā

Leave a Comment