abdul-aziz-fitrat

Apni Nakaam Tamannaon Ka Matam Na Karo

apni nakam tamannaon ka matam na karo

tham gaya daur-e-mai-e-nab to kuchh gham na karo

aur bhi kitne tariqe hain bayan-e-gham ke

muskurati hui ankhon ko to pur-nam na karo

haan ye shamshir-e-havadis ho to kuchh baat bhi hai

gardanen tauq-e-ghulami ke liye kham na karo

tum to ho rind tumhen mahfil-e-jam se kya kaam

bazm-e-jam ho gai barham to koi gham na karo

bada-e-kohna Dhale saghar-e-nau men ‘fitrat’

zauq-e-fariyad ko azurda-e-matam na karo

More Poems

Leave a Comment