Dinesh Kumar
apni manzil ki jo hasrat karna
ghar se chalne ki bhi himmat karna
koi tujh ko jo amanat saunpe
jaan de kar bhi hifazat karna
kahna asan hai karna mushkil
dushmanon se bhi mohabbat karna
aaj bachpan men hai vo baat kahan
vaqt be-vaqt shararat karna
tere bhitar ka ḳhuda jaag uThe
itni shiddat se ibadat karna
jab use dost kaha hai tum ne
us ke dukh dard men shirkat karna
farz aulad ka hota hai ‘dinesh’
apne maan baap ki ḳhidmat karna
Leave a Reply