apni kitab-e-umr ka anjam likh diya
pahle varaq pe main ne tira naam likh diya
main likhna chahta tha koi phuul si ghazal
aur jab likha to sirf tira naam likh diya
dil ne tire siva na koi baat ki qubul
sab kuchh ba-nam-e-gardish-e-ayyam likh diya
rusva.iyon ke moḌ pe tanha khaḌa huun main
apna gunah sab ne mire naam likh diya
ham aise be-gharon ne jahan bhi kiya qayam
ḳhat khinch ke vahin pe dar-o-bam likh diya
‘ma.asum’ mujh ko is ne kiya a.ina-mizaj
lekin mire nasib men ilzam likh diya
Leave a Reply