apni hi avargi se Dar ga.e
bas men baiThe aur apne ghar ga.e
saari basti raat bhar soi nahin
asman ki samt kuchh patthar ga.e
sab tamasha saari duniya dekh li
us gali se ho ke apne ghar ga.e
biich men jab aa ga.i divar-e-jism
apne saa.e se bhi ham bach kar ga.e
aur kya loge hamara imtihan
zindagi di thi sau vo bhi kar ga.e
aap ne rakkha miri palkon pe haath
mera siina motiyon se bhar ga.e
kuchh ḳharida ham ne dekho kuchh nahin
ham bhi is bazar se ho kar ga.e
‘mus.haf’ us ko bevafa kahte ho tum
aur jo ilzam us ke sar ga.e
Leave a Reply