kanton jaisi taabiren thi phulon jaise khvab
ham ne chhoti umron men bhi kya kya dekhe khvab
mujh ko is malbus men dekh ke khush the saare log
aur kisi ne ye nahin puchha ladki tere khvab
ek jagah par sone vaale bhi kab yakja the
apni apni ninden thiin aur apne apne khvab
main huun ab is basti ki taabiron par mamur
log sunane aa jaate hain ulte-sidhe khvab
ek sukut tha tariki thi vaqt ki thahri saans
mitti ne barish dekhi thi ped ne dekhe khvab
Leave a Reply