poet

Charche Har Ek Zaban Pe Husn-E-Butan Ke Hain

charche har ik zaban pe husn-e-butan ke hain

unvan juda juda isi ik dastan ke hain

phulon ke qahqahe hon ki fariyad-e-andalib

donon hi soz-o-saz isi gulistan ke hain

rahzan agar hai ghaat men kya shikva ham-safir

khud apne rahbar hi adu karvan ke hain

kya khaak honge ishq ki manzil se ashna

kushta har ik qadam pe jo sud-o-ziyan ke hain

jhuk jaae valihana jahan khud jabin-e-shauq

ham ‘qadri’ talash men us astan ke hain

More Poems

Leave a Comment