Farooq Nazki
apni ghazal ko ḳhuun ka sailab le gaya
ankhen rahin khuli ki khuli ḳhvab le gaya
shab-zinda-dar log andheron se Dar ga.e
sub.h-e-azal se kaun tab-o-tab le gaya
uryan hai meri laash haqiqat ki dhuup men
vo apne saath yadon ka barfab le gaya
aaya mare qarib gul-e-sim-tan ki tarah
saara sukun surat-e-simab le gaya
mujh ko supurd-e-tishnagi-e-ruh kar gaya
vo apne saath bazm-e-mai-e-nab le gaya
Leave a Reply