Apne Tasawwuraat Se Aage Nikal Gaya

apne tasavvurāt se aage nikal gayā

kal shab meñ kā.enāt se aage nikal gayā

sūraj ko dekhne ke liye maiñ dam-e-sahar

be-iḳhtiyār raat se aage nikal gayā

vo pattharoñ ko karne lagā ā.īna-sifat

maiñ had-e-mumkināt se aage nikal gayā

manzar bahut khule mirī āñkhoñ ke sāmne

lekin maiñ vāqi.āt se aage nikal gayā

maiñ haañ aur ik nahīñ ke abhī darmiyān huuñ

merā vajūd zaat se aage nikal gayā

Leave a Comment