apne se be-samajh ko haq ki kahan pachhanat
‘man-arafa’ ko na bujha ‘qad-arafa’ suun jihalat
hai farz buujh avval apna pichhe ḳhuda ko
be-bujh bandagi hai sab ranj aur malamat
jannat ki tu mazduri bujha hai bandagi ko
baḳhshish nahin hai hargiz juz lutf aur inayat
hirs-o-hava men paḌ kar haq suun hua hai batil
phir mangta hai jannat kya nafs-e-bad-ḳhasalat
bin qalb ki huzuri manzur kyuun paḌega
roza namaz rasmi sajda sujud taa.at
ma.abud ke muqabil aabid ko abadiyat hai
ghibat men chup rijhana kya mahz hai ḳhajalat
tan nafs aur dil ruuh sar nur-e-zat mil kar
apne men haq ko paana hai afzalulibadat
bin piir ke ḳhuda ko paaya na koi hargiz
kamil ko kyuun pacchane be-sidq o be-hidayat
nahin hai ‘alim’ ko sach taqva amal pe apne
didar ka sanam ke kaafi hai istaqamat
Leave a Reply