Waseem Barelvi
apne saae ko itna samjhane de
mujh tak mere hisse ki dhuup aane de
ek nazar men kai zamane dekhe to
budhi ankhon ki tasvir banane de
baaba duniya jiit ke main dikhla dunga
apni nazar se duur to mujh ko jaane de
main bhi to is baagh ka ek parinda huun
meri hi avaz men mujh ko gaane
phir to ye uncha hi hota jaega
bachpan ke hathon men chand aa jaane de
faslen pak jaaen to khet se bichhdengi
roti aankh ko pyaar kahan samjhane de
Leave a Reply