poet

Apne Qasid Ko Saba Bandhte Hain

apne qasid ko saba bandhte hain

sach hai shaer bhi hava bandhte hain

phir sar-e-dast mira khuun hoga

phir vo hathon men hina bandhte hain

gathri phulon ki vo ho jaati hai

jin men vo apni qaba bandhte hain

aji dekhen dil-e-ashiq to nahin

aap anchal men ye kya bandhte hain

ai ‘sakhi’ aaj to kuchh khair nahin

vo kamar ho ke khafa bandhte hain

More Poems

Leave a Comment