Shakeel Badayuni
gham se kahan ai ishq mafar hai
raat kati to subh ka dar hai
tark-e-vafa ko muddat guzri
aaj bhi lekin dil pe asar hai
aaine men jo dekh rahe hain
ye bhi hamara husn-e-nazar hai
gham ko khushi ki surat bakhshi
is ka bhi sehra aap ke sar hai
laakh hain un ke jalve jalve
meri nazar phir meri nazar hai
tum hi samajh lo tum ho masiha
main kya janun dard kidhar hai
phir bhi ‘shakil’ is daur men pyare
sahab-e-fan hai ahl-e-hunar hai
Leave a Reply